Dëbora kishte mbuluar dje ndërtesën e Capitol në Uashington, teksa një stuhi e fuqishme dimërore përfshiu brigjet lindore të SHBA. Stuhia ka shkaktuar trazira në transportin publik, në shkollat dhe agjencitë federale qeveritare. Teksa vendasit kthehen në shtëpi pas pushimeve të fundvitit, qindra fluturime janë anulluar prej motit të keq dhe infektimeve të pandemisë. Rreth 3,500 fluturime ishin anulluar në të gjithë vendin të hënën, që është dita e parë e punës për vitin e ri 2022, si të brendshme ashtu dhe të huaja drejt SHBA. Të tjera trazira priten teksa stuhia ka goditur kryeqytetin zyrtar amerikan dhe pjesë të tjera të Atlantikut të mesëm, me reshje dëbore deri në 20 cm. "Dëborë e njomë dhe erëra të forta kanë shkaktuar trazira në udhëtime dhe ne furnizmin me energji elektrike”, njoftonte sot parashikimi kombëtar i motit. Autoritetet thanë se stuhia e dëborës pritet të vijojë në dy ditët në vijim, madje me goditje të mundshme rrufeje e bubullima.