Në Komisionin e Burimeve Natyrore, deputeti Redi Muçi solli kërkesat e protestuesve të “Flamingos” për shfuqizimin e ligjit të “Paketës së Maleve”, i cili, sipas tij, do të favorizojë investitorët dhe jo banorët lokalë. “Ata që janë të aftë të investojnë apo të tërheqin investitorë mund të përfitojnë, ndërsa ata që nuk e kanë këtë mundësi mbeten në statusin aktual të poseduesit, jo pronarit. Ky ligj rezulton të tjetërsojë 23% të territorit të Shqipërisë, me një mekanizëm që deri më tani ka rezultuar si mekanizëm për pastrimin e parave.” Ky mendim u hodh poshtë nga deputeti i PS-së, Pirro Vëngu. “Pretendimi sipas të cilit qytetarëve do t’u merren pronat duket politikisht i fortë, por, kur thellohemi juridikisht, është i cekët. Sepse, para se të nisë procesi, ndiqen 11 hapa.” Por, për deputetin Muçi, po aq i padobishëm për ekonominë vendase është edhe ligji për investimet strategjike. “Të paktën dy prej këtyre projekteve kanë qenë vatra të nxehta konfliktesh mes komuniteteve lokale dhe investitorëve strategjikë. Komunitet lokale pretendojën se u janë falsifikuara dokumentat e pronësisë. Zoti Mucci ka mundësi t'i drejtoheni organeve të drejtësisë. Ndërkohë që opozita kërkon revokim për ligjin e Investimeve, qeveria ka një tjetër plan. Shqipëria po bëhet gati të krijojë një ligj të ri për Investimet Strategjike i cili do të bashkojë të dy ligjet nënjë ligj të vetëm. Pra do të ketë njëligj që do të promovojë dhe mbrojë investimet. “Që do të thotë që ky ligj nënrreshta nuk po funksionin..” Në fund, deputetët e maxhorancës u kërkuan kolegëve të krahut tjetër politik të mendojnë mbi efektet financiare që do të ketë shfuqizimi i këtyre dy ligjeve. Marrë shkas nga këto argumente, kryetarja e Komisionit, Anila Denaj, i kërkoi Këshillit të Ministrave informacion se cilat do të jenë efektet financiare të pushimit të fuqisë juridike të ligjit për “Paketën e Maleve” dhe ligjit për Investimet Strategjike. Kjo kërkesë bëri që asnjë nga nismat e deputeti Muçi të mos kalohej për votim.