Në dëgjesën që Komisioni për Reformën Territoriale zhvilloi me disa nga kryebashkiakët e vendit, nuk munguan debatet. Gjatë Pasdites së të mërkurës foli kryetarja e bashkisë së Durrësit Emiriana Sako, e cila bëri disa propozime. Ajo sugjeroi që ndihma qeveritare të shërbejë për bashkitë e vogla, ndërsa qytetet e mëdha të bazohen tek të ardhurat nga taksat e turizmit. Kjo u kundërshtua nga deputeti i PD-së dhe ish-kundërshtari i saj Igli Cara, i cili u shpreh se sugjerimet e Sakos nuk përputhet me nevojat reale të Durrësit. Edhe bashkëkryetari Arbjan Mazniku është përplasur me deputetin Cara, ndërsa i ka kërkuar këtij të fundit të mos zgjatet në fjalën e tij kur fliste për problematikat e qytetit të Durrësit. Pjesë e debatit u bë edhe depiuteti i LSI-së, Edmond Haxhinasto. Ndërkohë më herët të mërkurën ishin kryebashkiakët e Qarkut të Elbasanit ata që bënë disa propozime, ku dominoi ideja për të mos ndryshuar numrin e bashkive.