Për anëtarësimin e Shqipërisë në BE, opozita kishte ardhur me detyra të ndara në parlament. Anëtarët demokratë në komisionin parlamentar të punëve të jashtme të arrin një dakortësi në draft rezolutën për integrimin ndërsa kryetari partisë së tyre Sali Berisha t’i bënte opozitë një raporti të qeverisë për gjetjet e Komisionit Europian. Në projekt rezolutën e dakortësuar maxhoranca dhe opozita angazhohen në forcimin e kontrollit parlamentar dhe garantimin e transparencës, të intensifikojë ritmin e reformës zgjedhore si dhe të nxisë dialog politik dhe shoqëror gjithëpërfshirës, për të siguruar konsensus kombëtar mbi prioritetet evropiane. Sali Berisha edhe në këtë seancë nuk la pa komentuar zhvillimet brenda PS me protagoniste Elisa Spiropalin. Po ashtu doktor Berisha u bë shkak për një debat me batuta mes kryetarit të kuvendit Niko Peleshi dhe Ulsi Manjës i cili një ditë më parë u shfaq në Dibër me një veshje alla Zelensk, ku në krah i qëndronte ish zëvendës kryeministria Belinda Balluku.