Dëgjesa e 11 e komisionit të posaçëm parlamentar për reformën administrativo - territoriale e zhvilluar në Korçë u mbizotërua nga kërkesa për të mos shkrirë bashkitë e vogla. Pjesëmarrësit kryesisht artikuluan si nevojë ruajtjen e numrit aktual të njësive të qeverisjes vendore. Gjatë takimit nuk munguan as tonet e larta. Një debat i ashpër është shënuar mes një punonjëseje të Bashkisë së Maliqit dhe qytetarëve të pranishëm. Pasi qytetarët adresuan pyetjet dhe kërkesat e tyre për të cilat Komisioni premtoi se do të kthente përgjigje, situata mori një rrjedhë tjetër. Në momentin që fjalën e bashkëkryetari opozitar i komisionit, Luçiano Boçi, pjesa më e madhe e pjesëmarrësve u larguan nga salla. Por përtej diskutimeve në sallë, procesi u shoqërua me replika politike në distancë, të kushtëzuara edhe nga protestat që po zhvillohen në vend ku kërkohet dorëheqja e kryeministrit. Për përfaqësuesin e mazhorancës, Arbjan Mazniku, këto zhvillime janë shenjë e një demokracie të shëndetshme, por ndryshe e sheh situatën deputeti i opozitës, Luçiano Boçi. Kur komisionit po i skadojnë afatet zyrtare për të hartuar draftin e ri, ky takim konsultues në Korçë tregoi se ndarja mbetet e thellë dhe bashkitë e vogla i tremben mos-ekzistencës.