Aktori i vjetër amerikan Robert De Niro u shfaq sot çuditërisht jashtë gjykatës së Neë York ku po debatohet për çështjen e rryshfetit të Donald Trump, teksa nuk ngurpi ta quante ish-presidentin “një klloun”. Pak pas komenteve të De Niro, në një event mediatik përfaqësuesi i Trump, Jason Miller tha se aktori është “i vonuar mendor”. De Niro, i cili është shprehur dhe më parë kundër, foli para një sfondi protestuesish të zhurmshëm pro-Trump, duke e quajtur atë “një kloun i rrezikshëm, që do të bëhet diktator nëse rizgjidhet”. Aktori ka marrë një rol në fushatën elektorale të rizgjedhjes së Joe Biden, duke përfshirë dhe reklama të ashpra televizive për partinë demokrate. Edhe kur Trump konkurronte fillimisht në 2016, De Niro thoshte në media se Trump ishte ‘një shaka’, që nuk të bënte për të qeshur. Pamjet: AFP