Një nga dy kurorat që i përkisnin Joséphine Bonaparte, bashkëshortes së perandorit Napoléon Bonaparte, ishte në shfaqje sot në shtëpitë e ankandeve Sotheby para shitjes së javës që vjen. Xhevahirët pritet të shiten për të paktën 300,000 paundë në ankandin në Londër. Eksperti Kristian Spofforth, tha se xhevahirët janë mbajtur nga perandoresha në fillim të shekullit të 19-të. "Kemi kurorën tiara, kapësen e flokëve dhe vëthët. Ato kanë gravura të sofistikuara me emblemat e perandorisë”. “Bizhuteritë e perandoreshës Josephine, janë prodhuar në vitin 1805. Stili i tyre është shumë i ngjashëm me atë neoklasik”, thane ekspertet. Tani që ato do të dalin në shitje, shpejt mund të shikojmë ndonjë vajzë aristokrate të vijë në një dasmë me këto xhevahirë. Por eksperti shtoi se zakonisht blerësit i mbajnë në koleksione private ose i bëjnë donacion për muzeumet, ku ato shfaqen në publik. "Vlerësimi ynë për shitjen diku te 2 deri në 300,000 paundë. Por është shumë e vështirë të parashikosh sesa janë të gatshëm të paguajnë për keto ekzemplare të rrallë”. “Jemi përpjekur të gjejmë shembuj të ngjashëm për shitjen në ankande apo galeri private, por nuk ka”, thanë organizatorët.