CNN ka siguruar imazhe të mbetjeve të raketave ruse të lëshuara në Ukrainë gjatë natës. Në foto shihen mbetje të sulmit në qytetin e Dnipro. Kievi ka akuzuar Rusinë për lëshimet e një rakete balistike ndërkontinentale (ICBM) në Ukrainë, e cila ka të ngjarë të shënojë herën e parë që Moska ka përdorur një armë të tillë në më shumë se 1000 ditë lufte. Fragmentet e fotografuara nuk i përkasin domosdoshmërisht të gjitha një rakete të vetme, shkruan CNN. Ukraina pretendon se Rusia lëshoi një raketë balistike ndërkontinentale për herë që nga fillimi i luftës më 24 shkurt 2022. Forcat ajrore të Ukrainës thanë se raketa balistike u nis nga një zonë në juglindje të Vologogradit. Sipas Ukrainës sulmet gjatë natës nga Rusia kishin në shënjestër “ndërmarrjet dhe infrastrukturën kritike në qytetin qendror-lindor të Dnipro”. Deri më tani nuk ka informacion për viktima. Ushtria e Ukrainës tha se gjashtë raketa Kh-101 u rrëzuan.