Në ditën e të zhdukurve nga lufta, ministrja e punëve të jashtme të Kosovës Donika Gërvalla kërkoi që kryediplomati serb të dalë para drejtësisë ndërkombëtare për vrasje masive në Kosovë. Deklaratat ministrja I bëri në sallën e këshillit të sigurimit në Okb, gjatë diskutimit të raportit për Kosovën. “Ivica Daçiq tani ministër i Punëve të Jashtme të Serbisë është përgjegjës për vrasje masive, dhunim si armë e luftës dhe krime lufte. Ai duhet të sillet para drejtësisë, para një tribunali për krime lufte...Nga viti 1992 deri në vitin 2000 ishte dora e djathtë e kasapit të Ballkanit, Millosheviq”, Për ministren, Serbia mbetet një rrezik për rajonin pasi nëse nuk do të ishte shba dhe bashkimi europian, në kosovë do kishte luftë. “Rusia si aleati më i afërt i Serbisë është kërcënimi i regjionit. Vuçiqi, Daçiq dhe Sheshel jetojnë në supremacinë ruse. Serbia ka vendosur si program qeveritar një version 2.0 të Serbisë së madhe, një dokument patologjik, i ideologjisë hakmarrëse në vend që t’i kthej sytë nga e ardhmja....Është e qartë nga gjithë kjo se pa prezencës e NATO-s dhe Shteteve të Bashkuara të Amerikës në Kosovë do të mund të kishte luftë” Ndërkohë nga ana tjetër Daçiç tha se Serbia nuk do të lejoj asnjëherë që Kosova të bëhet anëtare e OKB. “Serbia nuk mund dhe kurrë nuk do ta njoh pavarësinë e shpallur në mënyrë të njëanshme të Kosovës dhe nuk do të pranojë që Kosova të bëhet anëtare e OKB-së” Palët shkëmbyen akuza edhe për dialogun mes dy vendeve, ku sipas kryediplomates Donika Gërvalla, Serbia ka si synim që të mos I përmbahet marrëveshjeve.