Një tjetër mur ngrihet mes SHBA-së dhe Iranit: Presidenti i Shteteve të Bashkuara, Donald Trump, thuhet se po shqyrton me më shumë kujdes opsione të tjera ushtarake kundër Republikës Islamike, si përgjigje ndaj ngërçit në negociata. Shefi i Shtëpisë së Bardhë ka zhvilluar në orët e fundit një takim me ekipin e tij të sigurisë kombëtare dhe me drejtuesit më të lartë të forcave të armatosura amerikane për të diskutuar strategjitë e ardhshme lidhur me konfliktin, përfshirë mundësinë e rifillimit të veprimeve ushtarake raporton CNN, duke cituar burime të mirëinformuara. Trump e ka cilësuar “absolutisht të papranueshëm propozimin e fundit të Teheranit për t’i dhënë fund konfliktit pa hequr dorë nga e drejta për pasurimin e uraniumit. Ai e përshkroi armëpushimin si “shumë të dobët, të mbajtur artificialisht në jetë”, por shtoi se një “zgjidhje diplomatike është ende e mundur”, dhe pse thuhet të jetë gjithnjë e më i irrituar nga qëndrimi i Iranit në negociatat mbi programin e tij bërthamor. Presidenti republikan ka shfaqur vecanerisht pakënaqësi të madhe për mbylljen e vazhduar të Ngushticës së Hormuzit, por edhe ndasite e brendshme në radhet e udhëheqjes iraniane, të cilat konsiderohen si pengesë për lëshime konkrete nga ana e Teheranit. Ndërkohë, Ëall Street Journal raporton se Emiratet e Bashkuara Arabe kanë ndermarre sulme ushtarake kundër Iranit, cka sipas medias prestigjoze, nenkuptohet vendi, një nga më të goditurit nga sulmet e Teheranit, tani është më i prirur të mbrojë fuqinë e vet ekonomike dhe ndikimin në rritje në të gjithë Lindjen e Mesme. Burimet thone se mes operacioneve ka qenë edhe një sulm ndaj një rafinerie të vendosur në ishullin iranian të Lavanit, në Gjirin Persik, në fillim të prillit, afërsisht në të njëjtën periudhë kur Donald Trump shpalli armëpushimin.