Qendra Kombëtare e Librit dhe Leximit ka çelur edicionin e pestë të çmimit Lumo Skëndo. Alda Bardhyli, drejtoreshë e Qendrës Kombëtare të Librit dhe Librit – Është një çmim që jo vetëm nderon një figurë të nderuar të letrave shqipe që na lidh me letërsinë e mendimit, sikurse është eseistika dhe publicistika, por ndikon në mënyrë në drejtpërdrejtë me debatin public në Shqipëri. Ndihmonë dhe kulturën e kritikës letrare, për të cilat kemi shumë nevojë. Juria e përbërë nga Monika Stafa, Aida Tuci, Ardian Muhaj, Alfred Peza dhe Flogert Muça do të vlerësojë veprat më të mira në publicistikë të botuara në 2025. Mes kandidatëve të përzgjedhur është Treni AND, një vëllim me ese, aforizma dhe poezi e botuar nga regjisori Dhimitër Anagnosti pak muaj para ndarjes nga jeta, monografia e Ermir Hoxhës kushtuar skulptorit Arben Bajo, monografia e studiuesit Behar Gjoka për shkrimtarin Petro Marko, vepra “Antikultura e ‘68 në Shqipëri” e Albert Nikollës apo studimi mbi epistolarët shqiptarë nga Ben Andoni. Çmimi që risjell në vëmendje veprën e një personaliteti të madh si Mid’hat Frashëri, pritet të shpallet në 146-vjetorin e lindjes të shkrimtarit, në 25 mars.