Fermerët janë gjithnjë në kërkim të tregut, ose të një çmim të drejtë, ku shpesh ata që abuzojnë janë tregtarët e mëdhenj të cilët prodhimet bujqësore i blejnë shumë lirë të bujku dhe i shesin tepër shtrenjtë për konsumatorin. E njëjta histori po përsëritet edhe për fermerët që kultivojnë presh në Qerret të Vjetër të Lushnjës. Ata thonë që këtë vit një kilogram presh po shitet afërsisht 20 lekë më tepër, por ky çmim është i pajustifikueshëm përballë kostove të prodhimit.