Trageti me rreth 800 pasagjerë i bllokuar prej disa ditësh në celësirë në Indonezi është çliruar sot nga grupet detare dhe është tërhequr drejt portit më të afërt. "Ne ndjemë se anija goditi diçka nga poshtë, ishte tronditje e madhe, e fuqishme para se të bllokohej”, tha një prej pasagjerëve. Pas më shumë se dy ditë përpjekjesh rimorkiatorët arritën të tërhiqnin mjetin në nivel pluskimi, thanë zyrtarët e marinës për rrjetin francez AFP. Mjeti ishte bllokuar teksa kryente itinerarin e tij 184-kilometra në provincën lindore Nusa Tengara. Anija nuk duket se kishte probleme të tjera dhe autoritetet thanë se nëse përpjekjet dështonin deri të enjten, do të niste evakuimi i pasagjerëve. "Tërheqja mund të kryhej vetëm gjatë ardhjes së baticës. Ne nuk nisëm evakuimin pasi pasagjerët janë të gjithë në shëndet të mirë”, tha një zyrtar. Aksidentet detare ndodhin rregullisht në Indonezi, teksa në arqipelagun me 17,000 ishuj operojnë barka e mjete detare të panumërta.