Një ciklon i fuqishëm ka goditur zelandën e re gjatë orëve të fundit duke shkaktuar dëme të mëdha material dhe vështirsi për banorët. Qeveria shpalli një gjendje të jashtëzakonshme kombëtare për herë të tretë në histori. Kryeministri Chris Hipkins thotë se katastrofa është ngjarja më e madhe e motit në Zelandën e Re prej një shekulli. Dëmi i stuhisë ka qenë shumë i madh në bregun verior dhe lindor të ishullit. Zyrtarët thanë se të paktën 225,000 persona jane pa energji ndërsa gati një e treta e popullsisë 5.1 milionë e Zelandës së Re jeton në rajonet e prekura. Një zjarrfikës është zhdukur pas një rrëshqitje dheu. Një zjarrfikës tjetër u plagos rëndë, thanë agjencitë e shpëtimit. “Ne po përpiqemi të bëjmë gjithçka që mundemi për të mbrojtur atë që kemi vënë jetën tonë. Është njeriu kundrejt natyrës në këtë pikë,” tha një banore për BBC. në pamje vërehen njerëz të bllokuar në çati në pritje të ekipeve të emergjencave. Cikloni Gabrielle ka goditur Zelandën e Re vetëm dy javë pas reshjeve dhe përmbytjeve të paprecedentë në të njëjtin rajon, ku u vranë katër persona. Pamjet: AFP