Presidenti Yoon Suk Yeol uroi dy prindërit për lindjen e fëmijëve, të njohur tashmë si pesëshja ‘Power Ranger’. Çifti koreano-jugor ka marrë deri tani shpërblime në vlerë 100 mijë dollarë për lindjen e pesënjakëve, në një lajmin kurajues për vendin që përballet me përqindje të ulët fertiliteti. Çifti Kim Joon-yeong dhe Sagong Hye-ran u bënë me pesënjakë më 20 shtator, nga të cilët tre ishin djem dhe dy vajza. Kjo ishte lindja e parë natyrale e pesënjakëve në Korenë e Jugut, shkruante rrjeti Straits Times. Lindje pesënjakësh në Korenë e Jugut ishin regjistruar dy herë, një në vitin 1987 e një në 2021 ku ishin përdorur metoda të fertilizimit mjekësor. Babai Kim, 31 vjeç, tha se çifti kishin pritur lindjen e pesë “Poëer Rangers”, dhe morën shumë përgëzime nga zyrtarët e lartë. Dhurata të shumta erdhën gjithashtu për familjen e zmadhuar, si komplete rrobash në pesë ngjyra të ndryshme, bar deti natyral apo ushqime të tjera tradicionale që ndihmojnë në shëndetin e pas-lindjes. Zhvillimi vjen në një kohë kur vendi përballet me masa të ulëta lindjeje dhe qeveria inkurajon popullin të lindë më shumë. Por kriza demografike e Koresë së Jugut fajësohet në rritjen e kostove të jetesës dhe rënien e cilësisë së jetës dhe shëndetit të njerëzve.