Egjipti i ka udhëzuar të gjitha linjat e veta ajrore ta shmangin hapësirën ajrore të Iranit për një periudhë kohore prej tri orëve mëngjesin e së enjtes, pas rritjes së tensioneve mes Izraelit dhe Iranit. Një njoftim i sigurisë dërguar pilotëve të mërkurën, thekson se udhëzimet vlejnë prej orës 1:00 deri në orën 4:00 të enjten në mëngjes. Egjipti nuk dha asnjë hollësi pse e lëshoi një udhëzim të tillë. “Të gjithë avionët egjiptianë do ta shmangin fluturimin mbi Teheran. Asnjë avion nuk do të lejohet të fluturojë mbi një territor të tillë”, thuhet në njoftim, duke iu referuar periudhës kohore triorëshe. Ministria e Aviacionit Civil të Egjiptit tha më vonë të mërkurën se njoftimi ka për qëllim uljen e rreziqeve të sigurisë së fluturimeve për shkak të stërvitjeve ushtarake do të mbahen mbi hapësirën ajrore iraniane. Shumë kompani ajrore janë duke i rishikuar oraret e fluturimeve të veta për t’i shmangur hapësirat ajrore të Iranit dhe Libanit, si dhe janë duke i anuluar fluturimet për Izrael dhe Liban. Katër ditë më parë edhe autoritetet jordaneze u kërkuan të gjitha kompanive ajrore që të bartin karburant shtesë të vlefshëm për 45 minuta fluturim.