Personi i armatosur që hapi zjarr në darkën e Trump me gazetarët, Cole Tomas Allen, dyshohet se u kishte dërguar anëtarëve të familjes një mesazh 10 minuta para se të ndërmerrte aktin. Sipas mediave amerikane, 31-vjecari e përshkruante veten si një “Vrasës Federal i butë” dhe shprehte synimin për të sulmuar zyrtarë të administratës Trump. Në mesazh, Allen përmendte si objektiva “zyrtarë të administratës”, duke i renditur sipas prioritetit, ndërkohë që justifikon përdorimin e armëve si përgjigje ndaj shtypjes. “Gjëja e parë që vura re duke hyrë në hotel ishte ndjenja e arrogancës. Hyra me disa armë me vete dhe askush nuk dyshoi”, kishte shkruar Allen në mesazhin dërguar familjes. Ai përdorte gjithashtu gjuhë të ashpër dhe akuza të rënda ndaj presidentit, ndërsa pretendonte se veprimet e tij kishin motive ideologjike dhe politike. Allen përmendte edhe mënyrën e përdorimit të armëve, duke pretenduar se synonte të minimizonte viktimat, megjithëse pranonte se ishte i gatshëm të shkaktonte dëme më të mëdha për të arritur objektivat e tij. “Të kthesh faqen tjetër është kur vetë je i shtypur. Unë nuk jam personi i përdhunuar në një kamp paraburgimi. Nuk jam peshkatari i ekzekutuar pa gjyq. Nuk jam një nxënës shkolle i hedhur në erë, apo një fëmijë i uritur. Të kthesh faqen tjetër kur ‘dikush tjetër’ është i shtypur nuk është sjellje e krishterë, është bashkëfajësi në krimet e shtypësit. "Nuk jam më i gatshëm të lejoj që një pedofil, përdhunues dhe tradhtar të më njollosë duart me krimet e tij", thuhet se shkroi ai, duke iu referuar me sa duket Trumpit. Këto fjalë të ashpra përforcojnë natyrën politike të sulmit. Ai iu referua disa herë besimit të tij të krishterë, duke e justifikuar veprimin si reagim ndaj padrejtësive të perceptuara.