Kur na ndajnë pak ditë nga 5 nëntori, data e zgjedhjeve presidenciale në Shtetet e Bashkuara të Amerikës, janë më shumë se 70 milionë amerikanët që kanë votuar tashmë, duke zgjedhur votimin e hershëm apo atë me postë Sipas të dhënave të Laboratorit Zgjedhor, janë demokratët ata që kanë përdorur më shumë votimin e parakohshëm në 25 shtetet që e ofrojnë atë. Në të paktën dy shtete, Karolina e Veriut dhe Xhorxhia, një numër rekord njerëzish kanë zgjedhur këtë mënyrë votimi. E shtuna shënon ditën e fundit të votimit të hershëm në Karolinën e Veriut, ku deri tani janë hedhur mbi 3.8 milionë vota. Zgjedhjet po mbahen ndërsa pjesa perëndimore e shtetit vazhdon ende përpjekjet për t'u rimëkëmbur pas përmbytjeve vdekjeprurëse të shkaktuara nga uragani Helene. Me qëllim që të sigurojnë sa më shumë mbështetës, si nënpresidentja kamala herris ashtu edhe rivali i saj republikani donald trump do të jenë sërish në Karolinën e Veriut për fushatë, një nga shtetet me rëndësi kritike për përcaktimin e fatit të zgjedhjeve. "Më 5 nëntor do të jetë Dita e Çlirimit në Amerikë. Në ditën e parë, unë do të nis programin më të madh të dëbimit në historinë amerikane. Unë do të shpëtoj çdo qytet dhe qytezë që është pushtuar”, tha Trump duke iu rikthyer premtimeve për dëbime masive të emigrantëve. Ai foli për përgjysmim të çmimit të energjisë brenda 12 muajve dhe taksa më të ulëta për amerikanët. Ndërkohë nga ana tjetër Harris shënjestroi programin e trump duke u shprehur se po premton Një trilion dollarë ulje taksash për miliarderët në korporatat më të mëdha, duke harruar amerikanët e thjeshtë. “Është koha tha ajo t’i japim fund kapitullit të tij duke u përpjekur të na mbajë të ndarë dhe të frikësuar nga njëri-tjetri”. Sondazhet thonë se janë të paktën 7 shtete ku si demokratja Harris ashtu edhe republikani Trump kanë të njëjtën mbështetje.