Në Prespë ka nisur censusi për Pelikanin kaçurrel specia e rrallë qe gjendet edhe në ujërat e këtij liqeni. Janë mbi 1200 individë në ujërat e Prespës, që ndahen mes vendit tonë, Greqisë dhe Maqedonisë së Veriut, ndërsa vetëm vitin e kaluar janë numëruar nga specialistët deri në 400 pelikanë kaçurrele që qëndronin në pjesën shqiptare të ujërave të liqenit. Sipas specialisteve shenjat për shtimin e Pelikanit janë pozitive pasi ne këtë zone nuk janë konstatuar shpendë të dëmtuar. “Në fshatin e Gollombocit në Parkun Kombëtar të Prespës, po implementohet projekti për administrimin e zonave të mbrojtura, ku të gjithë ne do të numërojmë Pelikanin Kaçurrel në të dyja liqenet e Prespës. Ky është një eveniment i organizuar në të gjithë Shqipërinë, por po ashtu po ndodh e ne këto 3 vende kufitare si Shqipëria, Greqia dhe Maqedonia e Veriut. Është hera e dytë që po numërojmë shpendët këtë vit. Në janar numërojnë shpendët e ujit tani po numërojmë pelikanin Kaçurrel. Unë mendoj se numri i Pelikanve do të jetë i njëjtë por kjo varet edhe nga kushtet atmosferike”, thonë Iljon Thanas dhe Constanze Schaaff.