Top Channel/ “Çdo centimetër vlen!” Në Bakhmut, Ukraina dhe Rusia po “hedhin” gjithçka për të fituar

Luftimet e ashpra po zhvillohen për kontrollin e qendrës së Bakhmutit në Ukrainën lindore, beteja më e gjatë dhe më e përgjakshme e pushtimit të Moskës, thanë të hënën forcat ruse dhe ukrainase. Ukraina tha se grupi mercenar rus Wagner, i cili pretendon se drejton ofensinvën e Moskës në qytetin industrial, u shpreh se ka avancuar në qytetin që ka qenë epiqendra e luftimeve për muaj të tërë. “Njësitë sulmuese Wagner po përparojnë nga disa drejtime, duke u përpjekur të thyejnë pozicionet mbrojtëse të trupave tanë dhe të lëvizin në qendër të qytetit. “Në beteja të ashpra, mbrojtësit tanë po i shkaktojnë armikut humbje të konsiderueshme”, tha ushtria ukrainase në një konferencë të mëngjesit. Ukraina ka thënë se strategjia e saj me mbrojtjen e Bakhmutit është të degradojë aftësinë e Rusisë për të nisur çdo ofensivë të mëtejshme në muajt e ardhshëm dhe të blejë kohë për të përgatitur përpjekjen e saj për të rimarrë tokën. Analistët janë të ndarë mbi rëndësinë strategjike të Bakhmutit si një çmim ushtarak, por qyteti ka fituar status të rëndësishëm politik, me të dyja palët që derdhin burime të konsiderueshme në luftë.Zyrtarët komunalë të Bakhmut thanë të hënën për mediat ukrainase se në qytet jetonin ende më shumë se 4,000 njerëz, përfshirë 33 fëmijë. Kreu i Wagner-it, Yevgeny Prigozhin, pranoi gjithashtu se forcat e tij po përballeshin me rezistencën e vendosur ukrainase ndërsa kërkonin të merrnin kontrollin e qendrës së qytetit.