Policia franceze njoftoi se arrestoi një 55-vjeçar nga Gjermania pasi kishte mbajtur peng për 12 vite bashkëshorten e tij. Aksioni u ndërmor pas një telefonate të bërë nga gruaja, e cila u gjet në gjendje shumë të rëndë. Pas ekzaminimeve mjekësore të kryera policia tha se 53-vjeçarja i kishte kockat e këmbëve të thyera dhe nuk mund të lëvizte. Ndërkohë të gjitha dhomat në apartament ishin mbyllur me tela metalikë në mënyrë që 53-vjeçarja të mos kishte mundësi të largohej. Çifti gjerman jetonte prej shumë vitesh në një qytezë në Francën Lindore në kufi me Gjermaninë. Por prej kohësh gruaja nuk ishte parë të dilte nga banesa, ndërsa 55-vjeçari u kishte thënë fqinjëve se ajo ishte diagnostikuar me kancer dhe nuk mund të lëvizte. Ndërkohë një fqinje pohoi për hetuesit se shpesh dëgjonte britma por nuk ishte ankuar pasi mendonte se mund të vinin për shkak të sëmundjes. Ndërkohë prokuroria pritet ta akuzojë 55-vjeçarin për rrëmbim, përdhunim të rëndë dhe akte torture dhe barbarie.