Trupat e pajetë të 20 emigrantëve, burra, gra e dy fëmijë janë gjetur në një varkë të mbetur në mëshirën e dallgëve pranë ishujve Turc and Caicos, në një rrugë detare që dihet mirë se përdoret rregullisht nga trafikantët. Autoritetet locale përjashtojnë vrasjen, por ende nuk e kanë përcaktuar zyrtarisht shkakun e vdekjes dhe hetimet vazhdojnë. Mendohet se varka ka ardhur nga Karaibet e nuk ka pasur Turc e Caicos si destinacion final. Aktualisht po punohet për identifikimin e viktimave dhe për të saktësuar sesi kanë ndërruar jetë që të gjithë ata, dicka që për momentin duket e veshur me mister. “Kjo është një punë që do të kërkojë kohë. Gjendemi përballë një situate tragjike ku shumë njerëz kanë humbur jetët e tyre. Ne do të bëjmë të pamundurën t`i identfikojmë dhe të komunikojmë me të afërmit”, thuhet në një deklaratë të policisë. Ishujt në fjalë konsiderohen një magnet për haitianët të cilët përpiqen t`i shpëtojnë varfërise, e kjo zonë përdoret rregullisht si vendkalimi nga tarfikantët e qënieve njerëzore.