Është përshkallëzuar protesta e banorëve të fshatit Burimas në Bashkinë Maliq kundër projektit të ujësjellësit që parashikon marrjen e ujit nga burimi ekzistues i Burimasit për të furnizuar fshatin Zvezdë. Për të tretën herë me radhë, banorët e Burimasit kanë dalë në protestë duke bllokuar rrugën e fshatit dhe duke penguar kalimin e mjeteve të Shoqërisë së Ujësjellës-Kanalizimeve. Ata pretendojnë se ky investim mund ti lerë pa furnizim me ujë të pijshëm dhe deklarojnë prerazi se nuk do të lejojnë që projekti të zbatohet. Banorët apelojnë që të gjendet një burim tjetër alternativ për fshatin Zvezdë.