Gjykata e Elbasanit ka dënuar me burgim të përjetshëm 58 vjeçarin Tefik Tashi i cili në Maj të vitit 2023 vrau me sopatë kunatën e tij Alma Qevani 44 vjeçe. Ngjarja e rëndë ndodhi në fshatin Kusarth të Elbasanit ku Tefik Tashi jetonte në shtëpinë e familjes së bashkëshortes së tij. Me akuzën “Vrasje për shkak të marrëdhënieve familjare”, organi i akuzës kërkoi burgim të përjetshëm për 58 vjeçarin, vendim i cili u dha më pas nga gjyqtari Artur Prenga. Tefik Tashi u arrestua nga policia menjëherë pas ngjarjes. Ai u gjet teksa ecte në zone me sopatë në dorë. Në momentin e marrjes në pyetje 58 vjeçari pranoi fajësinë duke deklaruar se shkak i konfliktit ishtë fakti që kunata nuk i kishte përgatitur drekën. Familja Qevani jetonte në fshatin Kusarth në kushte të vështira ekonomike dhe thuajse e izoluar nga pjesa tjetër e zonës. Në atë kohë fqinjët u shprehën të tronditur për ngjarjen e rëndë e cila ndodhi në mes të rrugës së fshatit ku 58 vjeçari goditi dhe la pajetë motren e bashkeshortes se tij.