Spanjollët protestojnë prej muajsh kundër turistëve të shumtë, megjithatë rekordin e turistëve për frymë nuk e mban vendi i tyre, por Kroacia. Kur vjen fjala tek i ashtëquajturi mbiturizëm, listën nuk e krysojnë më destinacione të famshme si Majorka, Venecia apo Barcelona. Kjo e fundit nuk është as ndër 18 qytetet e para në listën europiane të portalit "Holiday” për nga numri i vizitorëve për frymë njeriu. I pari në këtë listë është Dubrovniku me 27 vizitorë për frymë njeriu që jeton atje. Ndërsa në vend të dytë është Rodosi grek me 26, e në vendin e tretë vjen Venecia me 21 turistë për frymë, ndonëse Venecia konsiderohet si një prej vendeve më të vizituara në botë. Me shtatë vizitorë për frymë, Parisi është vetëm në vendin e 12-të në këtë listë. Barcelona, qyteti ku protestuesit ndonjëherë ndjekin turistët me pistoleta uji, është në vendin e 20-të, pra shumë larg vendeve më të vizituara.