Vetëm gjatë janarit autoritetet e emigracionit kanë arrestuar 600 emigrantë illegal, ndërkohë që kanë kryer 800 bastisje, sipas Home Office. Sipas burimeve qeveritare ka një rritje prej 73 përqind në krahasim me një vit më parë kur në pushtet ishin konservatorët. Rreth 4000 arrestime janë bër nga autoritetet ligjzbatuese të emigracionit që nga korriku i kaluar kur erdhen në pushtet Laburistët. Arrestimet e fundit janë bërë nëpër restorante, kafene, lavazhe, bare dhe dyqane ku shiten cigare elektornike, vape-s. Po sipas qeverisë 16 mijë e 400 emigrantë janë deportuar që nga koha e zgjedhjeve. Ndërkohe numri i të ardhurve të rinj me gomone ose forma të tjera ilegale, mbetet më i madh se ai i të deportuarave, ku vetëm në Londër, pretendohet se jetojnë rreth 600 mijë emigrantë ilegal, mes tyre shumë shqiptare. Këto shifra publikohën në kohën kur Ligji i ri për Sigurinë e Kufijëve do diskutohet në parlamentin britanik. Sfida për autoitetet britanike është jo vetëm ku do mbahen gjithëe këta te arrestuar, në kushtet e krizës së thellë të popullimit të burgjeve dhe kampev të emigranteve në Britani, sa edhe mospasja e marrëveshjeve të riatdhesimit nga vijnë shumica e të ardhurve në Britani, marrëveshje si ajo me Shqipërinë e nënshkruar në 2022-shin, mes Rames dhe Sunak. Laburistët thonë kritikët dukshëm janë nën një presion mjaft të madh nga sondazhet e opinionit publik, ku partia Reforma e babit të Brex-it, Nigel Farage, me 4 deputetë në parlament, ka dal partia e parë e preferuar e britanikëve, përpara qeverisë dhe opozitës, dhe padyshim cështja e emigracionit është një nga arsyet kryesore. Ndërkohë në mars, Britania do jetë vëndi mikëpritës i një samiti për cështjen e sigurise së kufijëve, ku sipas qeverisë do marrin pjesë përfaqësues të 40 vëndeve krahas autoriteteve nga Bashkimi Evropian për të diskutuar cështjet e emigracionit ilegal. Fatkeqësia është Britania mbetet destinacioni final i flukseve migratore dhe interesat e jo pak vëndeve bie ndesh me dëshirën dhe nevojën britanike për frenimin e të ardhurve , ndërkohë që sejcili vend i prekur kërkon shkarkimin e numrave ne rritje te emigrantëve diku tjetër, larg vëndit të tyre.