Joe Biden dhe liderë të tjerë të G7-tës po qëndrojnë në një kështjellë 280 mijë dollarë nata të rrethuara me barrikada celiku gjatë ditëvë te samitit, e madje presidenti amerikan, thotë shtypi vendas, e ka edhe këtu “krahun e tij perëndimor”. Bidenit i janë rezervuar dhomat më të mirë të hotelit-fortesë, ku kanë qëndruar dikur edhe princi i ndjerë Philip e David Bowie. Ndërtesa është ngritur në 1774, e siguria që e rrethon atë konsiderohet e pathyeshme. I klasifikuar si hoteli më i madh në të gjithë Cornwall-in, Tregenna me 98 dhoma dhe 55 apartamente u konsiderua se kishte hapësirë të mjaftueshme për t`i bërë ballë stafit gjigand dhe pjesetarëve të shërbimeve sekrete që shoqëronin Bidenin, por edhe stafeve të tjera të mëdha që mbërritën bashke me liderët e tjerë botërorë. Siguria u përforëcua me një gardh gjigand metalik, patrullat e policisë kontrollojnë në cdo moment me qen me erë, ndërsa u instalua edhe ndricim shtesë. Përfaqësues nga Bashkimi Evropian janë zakonisht të pranishëm në samitet e G7-ës, ndërsa India, Koreja e Jugut dhe Australia janë ftuar gjithashtu këtë vit.