Një gjykatë në Britani ka dhënë një dënim total me 70 vite burg për një bandë shqiptarësh që shpërndante lëndë narkotike të llojit kokainë në disa zona të vendit. Banda e mirëorganizuar e shqiptarëve, e kishte bazën e saj në Derbyshire, por e kishte shpërndarë ndikimin e saj dhe në disa zona të tjëra duke fituar qindra mijëra paund nga ky aktivitet i paligjshëm. Sipas autoriteteve britanike banda drejtohej nga vëllezërit Edmond dhe Eduard Haziri dhe miq e të afërm të tyre, të cilët e merrnin kokainën në Londër dhe më pas e shpërndanin në të gjithë rrjetin e tyre nëpër Mbretërinë e Bashkuar Anëtarët e bandës u akuzuan për furnizim kokaine dhe të gjithë u dënuan në Gjykatën Derby Croën: Një nga krerët e bandës, Edmond Haziri, 36 vjeç u dënua me 15 vjet burg, vëllai i tij Eduard Haziri, 34 vjeç u ndënua me 15 vjet e gjashtë muaj bug. Gjykata angleze dënoi me 11 vite burg antarin tjetër të bandës 47-vjeçarin Gazmend Hoxha si dhe me 9 vite 34-vjeçarin Alban Krasniqi. Samuel Stoica, 25 vjeç u dënua me tetë vite e tre muaj burg, Simion Stoica, 22 vjeç me tre vite e gjashtë muaj burg. Kristi Prifti, 23 vjeç u dënua me katër vite burg, ndërkohë që për dy anëtarët e tjerë të bandës Joshua Garrigan, 32 vjeç dhe Razvan Manoliu, 27 vjeç gjykata angleze vednosi dënimin me dy vjet e tetë muaj burg.