Australia sot nuk arriti të listojë brezin e saj koralor si të rrezikuar nga agjencia e trashëgimisë kulturore boterore UNESCO, megjithë shqetësimet për dëmtimet. Në mbledhjen e Komisionit të Trashëgimisë Botërore të drejtuar nga Kina, delegatët vendosën se nuk mund t’i japin vendndodhjes statusin "i rrezikuar", pas kërkesave të përsëritura nga Canberra. Agjencia e Kombeve të Bashkuara kishte rekomanduar rritjen e gradës së rrezikut për brezin koralor australian prej degradimit të tij, kryesisht prej ndryshimeve klimatike dhe cilësisë së ujit. Por vendet anëtare të komitetit vendosën që Australisë t’i jepet më shumë kohë për të raportuar mbi përpjekjet e saj të konservimit natyror. Ata kërkuan që UNESCO të dërgojë një mision monitorues për inspektimin e koralit, pasi Canberra kishte kritikuar agjencinë, se “i jepte rekomandimet vetëm sipas raportimeve ekzistuese”.