Qereka nuk ishte i njohur, deri mbrëmjen e së premtes kur u zbulua një laborator për përpunimin e kokainës. Fshati që ndodhet në komunën e Niklës në Fushë-Krujë është po ashtu shumë afër aeroportit të Rinasit. Pikërisht afërsia me aeroportin kryesor të vendit, por edhe portin e Durrësit e kishin kthyer këtë fshat në pikën strategjike nga ku kokaina e përpunuar në një shtëpi të kthyer në laborator dilte shpejt në akset kryesore kombëtare për të shkuar në tregun europian. Një ekip xhirimi i Top Channel mundi të deportojë në brendësi të fshatit, por nuk u lejua të xhironte ambientet e laboratorit, brenda të cilit u sekuestrusan 850 lëkura bagëtish brenda të cilave dyshohet se ishte shkrirë kokaina. Po ashtu u bllokua dhe gati 6 kilogramë kokainë si dhe përzierës në formën e solucioneve që do të shërbenin për procesin. Nga hetimet e deritanishme të spak, nuk ka të dhëna për banorë të këtij fshati të punësuar brenda laboratorit të drogës.