Komunitete të popullsisë indigjene po demonstrojnë prej më shumë se një jave para gjykatës së lartë të Brazilit në gjyqin për tokat e paraardhësve të tyre. Me rihapjen e çështjes në gjykatën e Brasilia, qeveria mund të heqë statusin e rezervatit për tokat e të parëve, të popujve parakolonialë. Aktivistët e të drejtave kanë thënë se nëse gjykata federale heq njohjen për indigjenët, ngushtohet spektri i të drejtave të njeriut në vend. Rreth 6,000 liderë nga 176 grupe indigjene të vendit kanë ngritur tenda jashtë gjykatës së lartë, për të kërkuar respektimin e të drejtave të tyre. Demonstratat më shumë se një javore janë mobilizimi më i madh publik në Brazil prej më shumë se tre dekadash, thonë organizatorët. Kreu i grupit kryesor të organizuar indigjen Dinamam Tuxá, tha” “Popujt indigjenë po përballen me një seri kërcënimesh, por ne kemi vendosur të rezistojmë. Ne nuk dëshirojmë të vdesim brenda territoreve tona pa luftuar, jo pa ardhur këtu për të përhapur mesazhin e për të treguar vuajtjen tonë”.