Fshati Krinë i vendosur mbi faqen e malit të Lunxhërisë shumë pranë parkut arkeologjik të Antigonesë është një prej rasteve ku arkitektura traditcionale po degradon. Pema e rrapit në qendër të fshatit një monument natyre me status të veçantë dëshmon për ekzistencën e fshatit të paktën për 400 vjet. Në Krinë tani jetojnë jo më shumë se 30 banorë të moshuar. Zemra e fshatit është kisha e vogël e shën Nikollës e ndërtuar rreth vitit 1905 me kontributin e banorëve të emigruar. Monumenti me vlera të veçanta shpirtërore dhe të memorjes historike si ikona, objekte të gdhendura në dru dhe stil traditcional është i shembur pjesërisht ndërsa më parë është grabitur e bastisur disa herë e ka humbur objekte që nga këmbana e deri tek dedikimet që kurbetlinjtë e fillim shekullit të kaluar kishin sjellë nga larg për ti lënë në vendlindje. Tani banorët janë duke kërkuar ndihmë për ta shpëtuar këtë objekt. Nase Mihali " Kisha është ndërtuar me kontributin e fshatarëve që ishin në emigracion në Turqi. Që nga ajo kohë e përdor i gjithë fshati. Ne para 3 vjetësh na ra një pjesë e çatisë dhe morrëm disa muratorë dhe me kontributin e fshatit e rregullzam. Tani ka rënë pjesa tjetër. Nuk guxoj ti le turistët të hyjnë se çatia mund tju shembet në kokë "