Bora e parë e dimrit ka mbuluar rrugët e gjurmuara nga automjetet e blinduara në rajonin e Donetsk. Dëbora, balta dhe akulli pritet të detyrojnë një kundërofensivë disamujore të Ukrainës për të rimarrë territorin e pushtuar nga forcat e Moskës. Kjo pasi trupat ruse gjatë kësëaj periudhe e kanë të vështirë sulmin nga toka pasi lëvizja e tankeve bëhet pothuajse e pamundur. Ndërkohë ukraina ka ripërsëritur thirrjen për ndihma ushtarake me qëllim që të spraps trupat ruse. Sekretari amerikan i Mbrojtjes Lloyd Austin i tha presidentit ukrainas Volodymyr Zelensky të hënën se mbështetja e Uashingtonit ishte për "afat të gjata". "Mesazhi që ju sjell sot, zoti President, është se Shtetet e Bashkuara të Amerikës janë me ju, ne do të qëndrojmë me ju për një kohë të gjatë," i tha Austin Zelenskyt, i cili e vlerësoi vizitën si një "sinjal shumë të rëndësishëm". Mbvështetja për Ukrainën ka ngjallur debat në SHBA, pasi republikanët nuk duan që të shpenzohen para për konflikte që nuk I përkasin amerikanëve. Pamjet: AFP