Në qytetin jugor të Gazës, Khan Yunis, 28-vjeçari Ahmed Miqdad po përdor mbetjet e armëve izraelite që shkatërruan shtëpinë e tij për të ndërtuar një tendë për familjen e tij. "Gjeta një tokë të zbrazët dhe vendosa një tendë. Aty më lindi ideja të përdorja mbetjet e armikut," shpjegon Miqdad. "Nuk kam para për të blerë dru, tuba e gjëra të tilla, kështu që me të vërtetë më ndihmoi të kursej para”, tha ai. Izraeli ka vazhduar bombardimet në Rripin e Gazës, ndërkohë që Gjykata Ndërkombëtare e Drejtësisë urdhëroi Izraelin që “menjëherë të ndalë” ofensivën e tij ushtarake në Rafah, në jug të Gazës. Sipas GJND-së, Izraeli duhet të ndalë edhe çdo veprim tjetër në Rafah, që mund të përkeqësojë jetesën e palestinezëve në Rafah të Gazës. Megjithatë, Izraeli ka pak të ngjarë që të zbatojë një urdhër të tillë. Afrika e Jugut i kërkoi më herët gjykatës, me seli në Hagë, që të urdhërojë ndalimin e ofensivës izraelite në Rafah dhe tërheqjen e trupave nga i gjithë Rripi i Gazës. Pamjet: AFP