Komiteti Ndërkombëtar i Kryqit të Kuq (KNKK) ka konfirmuar se tre nga anëtarët e stafit të tij u vranë të enjten pasi bombardimet goditën në vijën e frontit në rajonin e Donetsk . Dy anëtarë të tjerë të stafit të Kryqit të Kuq u plagosën. Ai shtoi se shpërndarja e ndihmës humanitare nuk kishte filluar dhe asnjë banorë nuk u prek nga shpërthimi. Megjithëse presidenti ukrainas Volodymyr Zelenskiy akuzoi Rusinë se qëndron pas sulmit, deklarata e KNKK-së nuk adresonte në mënyrë specifike se kush ishte përgjegjës për bombardimet. Presidentja e KNKK Mirjana Spoljaric dwnoi sulmet ndaj personelit të Kryqit të Kuq në termat më të ashpër. Sipas saj wshtë e pandërgjegjshme që bombardimet do të godasin një vend të shpërndarjes së ndihmave. “Ekipet tona janë rregullisht të pranishme në rajonin e Donetskut dhe automjetet tona janë të shënuara qartë me stemën e Kryqit të Kuq. Vdekja e tre kolegëve të KNKK-së vjen mes një rritje të mprehtë të numrit të humanistëve të vrarë në mbarë botën gjatë dy viteve të fundit”, raportoi organizata. Komiteti Ndërkombëtar i Kryqit të Kuq bën thirrje urgjente për respektimin e së drejtës ndërkombëtare humanitare, duke përfshirë marrjen e çdo mase paraprake të mundshme për të siguruar që personat e përfshirë në aktivitete humanitare të mos jenë në shënjestër ose të kapen në armiqësi.