Ukraina dhe Rusia akuzuan njëra-tjetrën për bombardimin gjatë operacioneve shpëtuese në Kherson. Moska mohoi autorësinë e sulmit duke theksuar se forcat e saj ishin duke luftuar në një pjesë tjetër të frontit. Por ky qëndrim I autoriteteve ruse u hodh poshtë nga ato ukrainase. Gjatë bombardimeve ekipe të kërkim shpëtimit ishin duke kryer aksione për t’u ardhur në ndihmë të gjitha familjeve që janë bllokuar për shkak të përmbytjeve të lumit Dnipro pas shpërthimit të digës së hidrocentralit. Nga bombardimet u vra një person dhe u plagosën 18 të tjerë përfshirë këtu dhe stafin e shërbimeve të urgjencës. Ndërkohë autoritetet ruse nga ana tjetër thanë se dy persona të evakuuar nga zona u vranë nga bombardimet ukrainase. Nga shpërthimi digës së hidrocentralit, dhjetëra fshatra dhe një pjesë e Khersonit ndodhet nën ujë, kurse numri I viktimave nga përmbytjet ka shkuar në gjashtë. Por krahas përmbytjeve problem I madh mbetet termocentrali bërthamor I Zaporizhzhia, një pjesë e reaktorëve të të cilit janë mbyllur pasi kanë nevojë për ujë që të ftohen.