Sekretari amerikan i Shtetit, Antony Blinken mbërriti sot në Arabinë Saudite, në ndalesën e parë të një udhëtimi më të gjerë në Lindjen e Mesme për të diskutuar disa çështje, përfshirë qeverisjen e Gazës pasi të përfundojë lufta me Izraelin. Në fundin e kësaj jave, kreu i diplomacisë amerikane pritet të udhëtojë drejt shtetit hebre ku sipas raporteve në media, do t`i bëjë presion kryeministrit Benjamin Netanyahu, ng ai cili do të pretendojë hapat konkret që presidenti i Shteteve të Bashkuara, Joe Biden kërkoi këtë muaj për të përmirësuar situatën e rëndë humanitare në enklavën e gjunjëzuar nga konflikti. Një zyrtar i lartë i DASH pohoi se në Rijad, Blinken pritet të takohet me liderë të lartë sauditë dhe të zhvillojë një takim më të gjerë me homologët e pesë shteteve arabe - Katari, Egjipti, Arabia Saudite, Emiratet e Bashkuara Arabe dhe Jordania - për të çuar më tej diskutimet mbi atë se si do të dukej qeverisja e Rripit të Gazës për fundit të konfliktit. Ai do të tentojë po ashtu të bashkojë qëndrimet e vendeve arabe e atyre europiane e të diskutojë mënyrën sesi Europa mund të ndihmojë përpjekjet e rindërtimit të territorit të shkatërruar në masë të madhe nga bombardimet gjashtëmujore izraelite. Edhe pse bisedimet mbi rindërtimin dhe qeverisjen e Gazës vazhdojnë prej muajsh, deri më tani ende ka një tablo të qartë të asaj se cfarë do të ndodhë me enklavën. Shtetet e Bashkuara pajtohen me objektivin e Izraelit që Hamasi duhet të çrrënjoset dhe se nuk mund të luajë më rol në të ardhmen e Gazës, megjithatë Uashingtoni është kundër ripushtimit të Rripit të Gazës nga Izraeli. Ajo cfarë parashikohet në vend të kësaj është një strukturë e cila të përfshijë Autoritetin Palestinez tashmë të reformuar me mbështetjen e shteteve arabe.Blinken do të diskutojë gjithashtu me autoritetet saudite përpjekjet për një marrëveshje normalizimi midis mbretërisë dhe Izraelit.