Mbrojtja e civilëve dhe lejimi I dërgimit të sa më shumë ndihmave në gaza, ishte kërkesa e sekretarit amerikan të shtetit Antony Blinken për Izraelin. Gjatë vizitës që zhvilloi në Tel Aviv në kudër të turit që ka nisur prej disa ditësh në lindjen e Mesme, Blinken tha se SHBA do të investojë në rindërtimin e Gazës vetën nëse palët do të arrijnë që të gjejnë një rrugë që të çojë drejt krijimit të një shteti palestinez. “Izraeli duhet të jetë partner i udhëheqësve palestinezë, të cilët janë të gatshëm të udhëheqin popullin e tyre për të jetuar krah për krah në paqe me Izraelin si fqinjë”, tha ai, ndërsa përcolli dhe mesazhin se dhe vendet e tjera të rajonit janë të gatshme që të jetojnë krah për krah me shtetin hebre nëse ky plan zbatohet. Por teksa Blinken ndodhej në Izrael ku pati takime me kryeministrin Netanyahu dhe ministrin e Mbrojtjes, ushtria izraelite vazhdoi ofensivën duke bombarduar pjesën më të madhe të zonës. Forcat e armatosura thanë se gjatë operacioit vranë 40 terroristë si dhe zbuluan tunelet ë tjera dhe armë të Hamasit. Si pasojë e luftimeve gjatë 24 orëve të fundit, ministria e Shëndetësisë në gaza tha se u vranë 126 persona.