Drejtori i shërbimit Zjarrfikës në Bashkinë e Cërrikut u arrestua këtë të entje pasi dyshohet se është përfshirë në krime zgjedhore. Artjon Taçi, 33-vjeç, u prangos nga agjentët e Agjencisë së Mbikqyrjes Policore pasi gjykata e Elbasanit caktoi ndaj tij masën e sigurisë “Arrest me burg”. Ai akuzohet për veprat penale “Ushtrimi i ndikimit të paligjshëm ndaj personave që ushtrojnë funksione publike”, dhe “Përdorimi i funksionit publik për veprimtari politike ose zgjedhore”. Në pranga përfundoi edhe përgjegjësi I OSHEE në këtë qytet 35-vjeçari, Alban Shima, një punonjës I bashkisë dhe tre zjarrfikës. Ndërsa u shpall në kërkim për falsifikim dokumentash një 64-vjeçar. Nga hetimet dyshohet se të akzuarit në bashkëpunim me njeri-tjetrin kanë marrë pjesë në fushatën zgjedhore të 14 majit për të siguruar vota ndonëse e kishin të ndaluar me ligj. Madje ata mendohet se kanë dhënë dhe vërtetime false për subjekte biznezi që kishin detyrime të pa paguara në bashkinë e Cërrikut në këmbim të votës. Lidhur me rastin hetimet po vijojnë me qëllim identifikimin dhe kapjen e të gjithë personave të tjerë që mund të kenë të bashkëpunuar me të arrestuarit.