Ukraina është nën një tjetër breshëri sulmesh ruse që kanë prekur infrastrukturën kritike në zonat më të largëta deri në perëndim, dhe kanë vrarë të paktën 6 persona në kryeqytetin e Kievit, teksa po ashtu sulmet gjatë natës në rajonin e zaporizhias i morën jetë një të porsalinduri. Sulmet vijnë pasi kryetari i bashkisë së Kievit tha se qyteti po përgatitet për "dimrin më të keq" që nga Lufta e Dytë Botërore, pasi ndërprerjet e mëdha të energjisë elektrike dhe rënia e temperaturave kërcënojnë banorët në mbarë vendin. Ndërprerje të energjisë elktrikë u raportuan edhe në Moldavi, gjysma e territorit atje raportohet se nuk ka energji, pasi rusia shtoi sulmet ne objektet energjitike ne ukrainë. Ndërkohë në një lëvizje simbolike të mërkurën, Parlamenti Evropian njohu Rusinë "si një shtet sponsorizues të terrorizmit e që përdor mjetet e terrorizmit" duke i bërë kështu thirrje Bashkimit Evropian " për të izoluar më tej Rusinë ndërkombëtarisht”. Por menjëherë pas kësaj rezulote faqja e Parlamentit Evropian u godit nga një sulm kibernetik. Një zëdhënës i institucionit tha se po punohet ende për të rikthyer sërish shërbimin online. Po këtë të mërkurë Shtetet e Bashkuara njoftuan se do të ofrojnë 400 milionë dollarë ndihmë shtesë për sigurinë për Ukrainën. Sipas një deklarate nga Sekretari amerikan i Shtetit, Antony Blinken, ndihma "përfshin armë shtesë, municione dhe pajisje të mbrojtjes ajrore ". Pamjet: AFP