Vizitat e një presidenti amerikan në një zonë lufte bartin në vetvete një rrezik të madh, e për këtë arsye, Shërbimi Sekret dhe zyrtarët e lartë përgjithësisht priren t`i dekurajojnë lëvizje të tilla. Ideja e hedhur ishte ajo e një takimi Biden-Zelensky në kufirin polak, por duket u mendua në moment të fundit të dërgohej një mesazh edhe më i fortë, sic ndodhi me George Bush që shkoi në Irak, apo vizitën e Barak Obamës në Afganistan. Sigurisht që nuk është e lehtë të “fshehësh” një personazh të tillë: udhëtimi i Bidenit erdhi dukshëm me një autokolonë të gjatë makinash, mjete mbështetëse, eskortë personale, limuzinë të blinduar, e madje dhe avionë luftarakë për mbështetje nga ajri. Shtëpia e Bardhë bëri të mendohej se presidenti kishte angazhime në Uashington të hënën përpara se të niset për në Poloni, kur pak më vonë u mësua se ishte ndodhej tashmë në Kiev.