Binjaket e parë Panda që u lindën në kopshtin zoologjik të parkut tematik Everland nga nëna e tyre Ai Bao kanë festuar 100 ditëshin e parë të jetës. Për herë të parë të gjithë njerëzit në Korenë e Jugut mund t’i shohin pandat publikisht, ndërsa u organizua edhe ceremonia e vendosjes së emrit të tyre. Ato janë Rui Bao dhe Hui Bao, ndërsa nëna e tyre Ai Boa arrin t’i dallojë vogëlushet në mënyrë perfektë. “Pandat binjake kanë filluar të zvarriten pak, kanë hapur sytë ndërsa po ju rriten dhëmbët”, thotë një kujdestar në kopshtin zoologjik. Gjendja e tyre shëndetësore po ashtu është shumë e mirë. “Ne kurrë nuk kemi rritur binjakë më parë, kështu që ishim shumë nervozë, por isha e lumtur që i pashë të rriteshin dhe mendoj se njerëzit që i shikojnë ata janë gjithashtu të lumtur. Janë një dyshe shumë bujare. Binjakë që ofrojnë shumë lumturi”,- thotë kujdestari i tyre.