Aktori i njohur Florian Binajj, i cili ka shpallur kandidatrurën për Bashkinë e Tiranës si i pavarur, foli për herë të parë në një intervistë në emisionin “Top Stryy” të Grida Dumës. Ai u distancua nga fushatat partiake dhe mbështetjet tradicionale dhe deklaroi se nuk do të dalë me asnjë drejtues të partive politike në fushatë, përfshi edhe Sali Berishën. “Nuk jam futur në këtë garë për të përfaqësuar opozitën, por qytetarët. Nuk e ndaj ajrin apo trafikun sipas ngjyrave politike. Nuk do të dal në fushatë me asnjë kryetar partie, as me Berishën. Kam kërkuar që fushata ime të përqendrohet në grupe pune, jo në figura politike” Ai sqaroi se vendimi për të kandiduar si i pavarur erdhi pasi, sipas tij, opozita “kishte lënë sheshin bosh” dhe nuk kishte ofruar një alternativë reale. “Kushtet e deshën që këto ditë të merrja një vendim aspak të lehtë sepse mbart me vete shumë përgjegjësi, në fillim prisja që rrethi im të thoshte o Flor çfarë pate, por ndodhi e kundërta. Pata mbështetje dhe urime, që ishte gjëja e duhur në momentin e duhur. Partitë opozitare hapën dyert dhe e lanë sheshin e valles bosh, që dikush ta marrë përsipër. Unë dola që të nxis edhe të tjerë që janë si unë, ka ardhur koha që përfaqësuesi të jetë si qytetari-qytetarit, jo si dikush i punësuar nga partia” I pyetur për fotot e mëparshme me figura të njohura të PS-së, përfshirë Edi Ramën dhe Erion Veliajn, aktori u shpreh se ato nuk lidhen me aktualitetin politik. “Kjo foto është nga një aktivitet i FRESH në 2013, kur Rama shihej si një shpresë. Ndërsa takimi me Veliajn ka qenë në një aktivitet humanitar me të moshuarit, ku nuk isha i vetëdijshëm që ishte organizuar nga Bashkia” Duke iu referuar mbështetjes që mori nga Adriatik Lapaj dhe më pas edhe nga Sali Berisha, Binaj tha se nuk kishte kërkuar asnjëherë përkrahjen e askujt dhe nuk kishte pasur kontakte direkte me Berishën.