Pas lajmit të divorcit të Bill Gates nga e shoqja Melinda dolën në dritë shumë fakte të reja të panjohura mbi themeluesin e Microsoftit. “Wall Streert Journal” shkruan se multimiliarderi pati një marrëdhënie me njërën prej të punësuarve të tij në kompani, dhe sapo ishte marrë vesh ky fakt, këshilli drejtues i kompanisë kishte kërkuar dorëheqjen e tij. Mesa duket edhe ish- bashkëshortja e Gates, Melinda ishte në dijeni të propozimeve të “pahijshme”që Billi iu bënte kolegeve të punës. Zërat në shoqëri rrëfenin për një lidhje të miliarderit me njërën prej kolegeve të punës, lidhje kjo që vazhdonte prej 10 vitesh. Po sipas kesaj gazete, ka qenë vetë kjo grua që i ka shkruar këshillit drejtues në lidhje me këtë situatë në 2019, i cili hapi një hetim të brendshëm për ngjarjen në fjalë. Hetimi nuk u cua deri në fund pasi Bill Gates në mars 2020 kërkoi të largohej nga këshilli drejtues drejtues me pretendimin se dëshironte t‘i linte më shumë hapësirë bamirësisë. Vetë zëdhënësja e shtypit e kompanisë ka pohuar faktin që Bill dhe kolegia e tij kishin lidhje, por tha se ajo përfundoi në mënyrë paqësore nga të dyja palët.