Instituti Kombëtar i Sigurimeve kundër Aksidenteve në Punë ka publikuar bilancin e rëndë të viktimave në vendin e punës për vitin 2022 në Itali, aty ku kanë humbur jetën 1208 persona. Në një përllogaritje, në muaj i bie të paktën 100 viktima që kanë humbur jetën për shkak të aksidenteve në ambientet ku punonin. INAIL publikoi këtë të mërkurë raportin vjetor, teksa bëri dhe një krahasim me këtë vit, ku sipas tyre shifrat mbeten të larta pavarësisht rënies prej 15.2 për qind. Nga ana tjetër, aksidentet në punë janë në rritje, për këtë arsye raportimet ilustrojnë fenomenin me detaje. Shtysë për numrin e lartë të viktimave në oraret e punës janë edhe problemet shëndetësore, të cilat kanë ndikuar, deri në një përfundim fatal. Në tetë muajt e parë të vitit 2023 u regjistruan më shumë se 383 mijë raportime aksidentesh, 20,9 për qind më pak krahasuar me të njëjtën periudhë të vitit 2022. Më të rrezikuar për këtë fenomen të rrezikshëm janë moshat më të larta se 50 vjeç. Ekspozimi ndaj rrezikut është rritur në moshat më të vjetra , për shkak të një zhvendosjeje përpara në moshën e pensionit dhe mungesa e qarkullimit të brezave pasardhës. Italia po përjeton një mori vdekjesh nga aksidentet në punë. Pesë punëtorë të mirëmbajtjes hekurudhore u vranë nga një tren në një aksident pranë Torinos në fund të gushtit. Pamjet: AFP