Miliona përdorues të Facebook, Instagram dhe Whatsapp kanë hasur probleme mbrëmjen e së mërkurës për më shumë se një orë. Problemet janë regjistruar në disa vende të Europës, por edhe në SHBA, ndërkohë që kompania META deri në orët e vona në mbrëmje nuk dha një sqarim se çfarë e shkaktoi kolapsin e platformave të saj në këto shtete. E gjitha ndodhi në ditën kur miliarderi, Elon Musk, theu një tjetër rekord historik sa i përket pasurisë së tij: ai u bë i pari në botë që kalon shifrën 400 miliardë dollarëve. Pasuritë e Musk të mërkurën kapën vlerën 439.2 miliardë, falë rritjes së Teslës në Wall Street dhe vlerësimit rekord të SpaceX. Që nga zgjedhja e Trump, pasuria e tij është rritur me 66% “Çmimi prej 185 dollarësh për aksion, - raporton agjencia Bloomberg, - e ka shndërruar Teslan në një minierë ari. Është në kufijtë e çmendurisë, sepse vetëm 3 muaj më parë çmimi i aksioneve ishte 112 dollarë”. Musk pritet të ketë një rol të rëndësishëm në qeverisjen e Trump gjatë katër viteve të ardhshme.