Për më shumë se një orë Facebook dhe Instagram patën probleme në sistem duke mos lejuar përdoruesit që të arrinin të kishin akses. Kompania Meta e cila ka në pronësi dy platformat, konfirmoi problemet por pa dhënë shumë detaje. "Jemi në dijeni për një problem me qasjen në Facebook. Inxhinierët tanë janë duke punuar për të zgjidhur këtë çështje sa më shpejt të jetë e mundur", njoftoi kompania. Si pasojë llogaritë e miliona përdoruesve u shkyçën. Situata u prit jo mirë pasi të shumtë ishin ata që bënë raportime në Downdetector për mosfunksionimin e dy rrjeteve sociale. Por probleme raportohet se pati gjithashtu edhe Messenger si dhe Threads. Ndërkohë qindra mijëra njerëz u dyndën në platformën X, ish-Tëitter, për të raportuar keqfunksionimin e aplikacioneve të Meta-s. Andy Stone, menaxheri i komunikimit i grupit Meta, përdori X për të komunikuar problemin si dhe më pas dhe kthimin në normalitet. Kjo gjë solli menëjehrë reagimin e pronarit të X, Elon Musk I cili përmes një postimi ironik tall me konkurrentin e tij Mark Zuckenberg. Një rënie të ngjashme nga sistemi i platformave, kompania Meta e hasi dhe në vitin 2021. Pamjet: AFP