Stuhia Kirën la pas dëme të konsiderueshme në disa biznese të përmbytura në Tiranë dhe disa qarqe të tjera të vendit, ndërkohë që reshjet vijuan me intensitet më të ulët përgjatë së . Specialistet e Institutit të Gjeoshkencave thonë se përgjatë së dielës do ketë reshje me intensitet të lartë në Kukës dhe në Shkodër. Ndërkohë, në qarkun e Lezhës priten reshje me intensitet mesatar, ndërsa në qarqet e tjera situata do të stabilizohet. Përgjatë së shtunës së 4 nëntorit në qarkun e Dibrës, në malësinë e Bulqizës reshjet e shiut u shoqëruan me ulje temperaturash edhe me reshje bore. Prej dy ditësh në këtë qark reshjet e shiut kanë sjellë probleme në rrugët nacionale dhe ato ruale deri në bllokime për shkak të rreshqitjeve të inerteve në disa akse, si në rrugën e Arbërit dhe rrugë ruale në Njësinë administrative Zerqan në fshatin Ternovë ku për hapjen e rrugës kanë ndërhyrë vetë banorët. Probleme në rrugët ruale ka patur edhe në njësitë administrative Martanesh, Trebisht dhe Ostren. Si pasojë e motit të keq përgjatë së shtunës, 23 turistë janë shpëtuar nga autoritetet e emergjencës pasi mbetën të bllokuar te banjat e Bënjës në Përmet. Policia njoftoi se pavarësisht reshjeve të shumta të shiut, pas 2 orësh punë intensive, arritën të nxjerrin turistët nga automjetet e tyre në vendin ku kishin mbetur të bllokuar.