Pas paralajmërimeve për një ofensivë të mundshme të Izraelit mbi Rafah, presidenti amerikan Joe Biden zhvilloi një telefonatë me kryeministrin Benjamin Netanyahu të cilit I përsëriti dhe njëherë qëndrimin se një gjë e tillë do të përshkallëzonte anarkinë në Gaza. Të dy liderat, sipas këshilltarit të sigurisë kombëtare, Jake Sullivan ranë dakord që të dy vendet të zhvillojnë bisedime gjithëpërfshirëse për hapat e mëtejshme në Gaza. Kështu një grup nga Izraeli pritet të mbërrij këtë javë në Uashington për të diskutuar për këtë çështje. Vizita e delegacionit izraelit, sipas Sullivan, do të krijonte mundësinë për “një diskutim gjithëpërfshirës, të integruar dhe strategjik. “Qëndrimi ynë është se Hamasi nuk duhet të lejohet të strehohet në Rafah apo kudo tjetër, por një operacion i madh tokësor atje do të ishte i gabuar. Kjo do të shkaktonte më shumë vdekje mes civilëve të pafajshëm, do të përkeqësonte krizën humanitare, do të thellonte anarkinë në Gaza dhe do të izolonte më tej Izraelin ndërkombëtarisht”, tha Sullivan. Ky operacion ka tensionuar marrëdhëniet mes Biden dhe netanyahut, pasi SHBA është totalisht kundër kësaj nisme. Por pavarësisht kësaj Sullivan sqaroi se gjatë bisedës, Bide nuk e kishte paralajmëruar Netanyahun për ndonjë kufizim të ndihmës amerikane për Izraelin. Pamjet: AFP