Për herë të parë Presidenti amerikan Joe Biden e quajti të mërkurën Presidentin rus Vladimir Putin një kriminel lufte. "Ai është një kriminel lufte", tha presidenti amerikan për Putin teksa largohej një aktivitet. Kjo është deklarata më e ashpër lidhur me veprimet e Presidentit Putin bërë nga një zyrtar amerikan, që nga nisja e sulmit ndaj Ukrainës. Ndërkohë udhëheqësit e tjerë botërorë e kanë përdorur këtë fjalë, më parë. Presidenti Biden në një deklaratë nga shtëpia e bardhë tha se trupat ruse kishin bombarduar spitale e kishin marrë peng mjekët. Ai premtoi më shumë ndihmë për Ukrainën për të mbështetur përpjekjet e saj kundër Rusisë. Biden njoftoi të mërkurën se Shtetet e Bashkuara po i dërgojnë armatime të reja Ukraninës mes tyre anti-tanke e dronë. Komentet e presidentit erdhën pasi ai njoftoi zyrtarisht se administrata e tij po dërgonte 800 milionë dollarë shtesë në armatime në Ukrainë. Nga ana tjetër Kremlini tha se komentet e Biden, janë të papranueshmë dhe një retorikë e pafalshme.